ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso alamki pen kisungdun nang aphuthak song atum mai kangni

Diphu, Jakhong 2: Jakhong isi arni Den Arong Higher Secondary School ahem along Karbi Rong Asar Amei (KRAA) atum pen Kangthilangso along akepho aphuthak mai ingni.
Mensing Bey kachepahemphu amai along Tongkeswar Rongpi mai kepha alamthe jai. Bangso amai along JACAS chairman Khorsing Teron, HTL chairman Saising Rongpi, Hemphu Mukrang Adovan (HMA) ameiphu Lunse Timung, KAKA ameiphu Jonasing Teron, Borsing Kro, Karbi Kurpho Amei (KKA) ameiphu Rakesh sing Teron, KLA ameiphu Suren Kramsa, hamphang asong 24 pen Angtong Ingti Kathar atum pen chenglok KNCA, KARSA asong atum chetong dun.
Bangso amai along kedamtang Vosik achiklo 8 arni Kangthilangso arlo ajo porphai 8 apor phangkedong pu kitin ajoine Guwahati pen kevang bang hini ariso atum aphan apran endet lo. Lasi lahei alam kepangsam thekji aphansi mai along ardi pi. Mai along kacherai atengke prapjin pen Kangthilangso ahavar arat atum aphan adai kave pin atum aphan kenep tap, kenep pru asai ington serak nangji pusi sorkar aphan pachini. Kangthilangso amen lar longle lapen hadak kumlin selam longle anparta bangso amen pen school ingpu longle puta jongthip. Kangthilangso ahavar kedo-kedam mesenji aphan adim kepangthir thekji aphan Karbi akhei atum adhorom tin penta cherapsi klem rappet nangji lapen lason apor ahut Karbi Anglong arlo kedo hamphang asong kedo an bangso asai along cherap-cheto dun etji aphan choningri. Bangso amai along keklem-kedamji aphan Den Arong Kangthilangso ahavar arat atum pen tirikam amai prapjin pen sengpo puta mai along lam rai deng lo pusi KRAA ameiphu Dhorma Sing Teron pen birta pachetak aloh pen birta nang pale.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives