ADVERTISEMENT

This area is available for advertisement. Please contact for details.

Arnivang
Get Adobe Flash player

Check gate along Karbi Anglong kedo Assam police atum tangka kirung aphuthak pinrem lo: KSA

Diphu, Jakhong 2: Assam police atum Karbi Anglong arlo kaprek-kaprek check gate along aronre atangka kirung pu alam Dy365 News channel along keklang ateng Karbi Students Association (KSA) atum Assam police aphan sodak pinrem.
Dy365 along Karbi Anglong arlo kedo Assam police atum aphuthak ahok alam paklang lo. News channel along kapaklang ateng kaprek-kaprek a check gate pen chiklo ejon along sika crore 2.5 atangka police atum aronre kirung. Highway along kacheleng beha a gari along an pensi alanglitum medu rung dun lo. Laso crore-crore atangka kopi aphansi kirung ma ajakong kedo atum pen lamthak chipi nangji pusi KSA atum hang.
Laso aphuthak chepaklar nangji lapen lason asai langno kosonsi kedo longpop ma Suprintendent of Police lamthak pi nangji puta KSA atum hang. Jongsi News Channel along keklang alam ahok pulote kopi apotsi alangli laso aphuthak thang ta sai dengde det lo? Mate laso asai langno along police do-an atum ta kacherap dun dokok ma puta KSA Inglongpho atum pen Karbi Anglong Supirentendent of Police aphan arju pusi KSA rap pachethang chunbang Sotrosing Tisso birta pachetak.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives