ADVERTISEMENT

This area is available for advertisement. Please contact for details.

Arnivang
Get Adobe Flash player

Champhai along police pen AR saikhi atum risim kenep long

AIZAWL, Jakhong 2: Myanmar ahoi kedai Champhai district arlo Diltalng arong along Bhomta arni 46 Assam Rifles pen Mizoram police saikhi chelangsi katarlip asai kedeng ahut .32 pistol bong trok long, laso angbong pen bong pli ke foreign-made pusi Bhonkuru arni raikom saiphu than.
Lahai arisim mandu alongsi kelong dam lapen klempar asong aphan kejor tang tahai lo pusi pu. Laso alam pen kachingnang ave lang.
Kedamtang Aru achiklo ta laso adim pen Assam Rifles saikhi atum assault AK rifles bong ni nep dun long.
Kedam tang 2014 aningkan Jakhong achiklo ta IGAR (East) arlo keklem Assam Rifles pen Mizoram police chelangsi Champai district along katarlip ahut ihum a truck arlo hile bong 11 nep dun long lapen honthe meme risim kasalon abangphu bang kethom atum aphan ingnang lo. Kenep long arisim AK-series rifles bong trok, G-3 series rifles bong thom, light machine gun ebong, under barrel grenade launcher kedo MA 4 Mk III rifled ebong lapen ongdung hile amu do.
Sonsi 2013 aningkan Matijong achiklo Assam Rifles pen Mizoram police saikhi atum Serchhip district arlo katarlip ahut bang hini abangphu atum arideng ongdung arisim nep long. Modified assault rifles bong kep pen a magazines 20, Chinese-made rifles bong pli pen a magazines nerkep, light machine gun ebong, grenade shells 39, pistol ebong, rifles along ke-en telescope isi, pistol silencer isi lapen hile amu kerengmu 532 long.
2014 aningkan There achiklo ta Assam Rifles pen Mizoram police saikhi atum G-3 assault rifles bong ni, M-16 rifle ebong, self-loading rifle ebong, 9mm pistol ebong lapen hile amu kereng mu 123 long.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives