ADVERTISEMENT

This area is available for advertisement. Please contact for details.

Arnivang
Get Adobe Flash player

Rongkimi pen Piti Adong atalom tovar kaselam ingtonkok

DIPHU, Jakhong 01: Karbi Anglong Autonomous Council kaparlo No. 22 Sarupathar constituency angkang Rongkimi pen Piti Adong arat tovar kaheno pensi chehelat nang bom pusi akoi van.
Piti Adong kaparlo Mon Ronghang arong pen Rongkimi kaparlo Sarthe Teron arong, Lobon Kro arong kaselam atovar (RJ Road) kedamtang chiklo jon 6 aprang pen kaselam non puta ketangte det ajok kedam-kevang katora kachemin hangjo. Arnivang kachelat arat anparta keso ki-un-eh, hithi lapen loh charli osomar atum tovar kaheno pensi chehelat nang bom. Tovar akisung alam haladak arat kedo atum song jabang atum aphan birta pale lo, bonta alanglitum thangnat ardi en-eh pen lamvoi ta ave puta akoi van. Komat-matsi laso adak atovar kaselam athikadar ma arpu che-ensi prapjin pen nang kachepatang paprapji aphan choningri lo.
Lasonsi laso ahavar arat kijun alang ta kisung thepik. Lasi KAAC ratpangri akerap nang kipiji aphan tovar cholang lo. Jong jung atum kapangni a ring alongsi kado kave ta choton prong lo.
Labangso ahavar hemso pen danglok kachiti ahem ta nangle lang. Lasi kachingthur asai amo nang kapaleji aphan choningri alam nangpale. Havar akisung alam kapajokji aphan KAAC CEM Tuliram Ronghang lapen local MAC mate EM Jagat Sing Ingti aphan tovar cholang dingsi kachoningri alam birta nangpale.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives