ADVERTISEMENT

This area is available for advertisement. Please contact for details.

Arnivang
Get Adobe Flash player

Extra shift selamsi amen pachethap long nangji: KAAC

Diphu, Jakhong 1: Aningkan vang asonsi pining lethot ta Diphu Government College along akimi amen kachethap ahut lamki kedorut ajok penang an a osomar atum amen kachethap dun longle alam klang lo. Laso aphuthak Karbi Students Association lapen kaprek-kaprek hamphang asong atum ta kachesong ke-oh eh det ajoine atumi Karbi Anglong Autonomous Council ajakong pen DGC principal aphan kapinkhat aloh pale.
Ratpangri kapathik aron ateng pen klemsi a kaprek a shift selamsi men kachethapji aphan aning kehang charli osomar atum aphan amen pachethap long nangji pusi jong dun. La-an chot kali HS 1st Year pen TDC 1st Semester along amen kachethapji aphan apun chok seta kachoningri aloh kejok dun longle a osomar atum aphan offline pen amen pachethap long nangji puta KAAC pen kapale pinkhat aloh along jong dun.
Aningkan vang asonsi pining lethot ta DGC along penang an lamki dolo. Offline amen kapachethap ajoine penang an a osomar atum kachoningri aloh jok dun longlesi amen chethap dun longle det lo seta KSA atum kachesong varet ajoine sai jokje ajahak aosomar atum aphan offline kachoningri aloh pilo. La-an aphita lamki jut un-eh detsi thek long.
Diphu Government College along aningkan vangta kaprek-kaprek alam pen ajok hurisai thek long. Laso kahurisai ver ajoine penang an a osomar atum ke DGC along loh kacharli dunji aphan aning kehanghe ta dotang lo pusi kacheroktok arat atum ningje.

Leave a Reply

Your email address will not be published. Required fields are marked *

July 2018
M T W T F S S
« Jun    
 1
2345678
9101112131415
16171819202122
23242526272829
3031  
Archives