ADVERTISEMENT

This area is available for advertisement. Please contact for details.

Arnivang
Get Adobe Flash player

Pachinine pin pen PWD Borpathar Rds division along kahumri dam

IMG-20180630-WA0013DIPHU, Vosik 30: KAAC CEM Tuliram Ronghang alangli chor Kache Teronpi aphan cheponsi pini Silonijan PWD Borpathar Roads Division along pachinine pin pen kahumri dam.
Saikhi atum apor ateng saihem chedam ma chedamdema kelang damji aphansi CEM lapuson pachinine pin pen humri dam lo. Adap apor ateng saihem kachedamde atum aphan sodak ingsaiji pusi pachini tekang. Laso kahumri dam ahut saikhi pen saiphu atum pen chingki-chethan tekangsi kaprek-kaprek akisung alam chingki-chethan. Lahai saikhi atum akisung pen kapajokji aphan mesen asai kedengji aphan alangli chechak tekang.
Laso kahumri ahut penang an kenangsot a register heihui lang tekang lapen kevangji arni ningkan isi angbong kopipi asaisi keklem kapatangtang ma aphuthak kirui thu amai pangniji puta CEM pachini tekang. Silonijan pen Deithor atovar M&BT atovar kaselam atovar kanglen aphuthak ningkangsamse chepaklang tekang.
Deikrum alongroi along RCC adolong non kevangji 2019 Arkoi achiklo angbong kapatangji aphan contractor kachechak alam ta pini kahumri dam ahut CEM chechak tekang. Bang 16 athengno kachechak ateng jongsi patangte pulote sodak adai enpo puta CEM pachini tekang.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives