ADVERTISEMENT

This area is available for advertisement. Please contact for details.

Arnivang
Get Adobe Flash player

Akimi state nangpi lote det chingthur rappet po lapen democratic ajakong thir po: NFNS

Kevangji arni kilik aphuthak Jakhong 26 arni New Delhi along klembang amai ingniji

DIPHU, Vosik 30: Nonhetjong state kilik klang det ta angthek ave. Lasi kevangji state pen central kilik akan kemeji aphan NFNS aphuthak kenangsot abidi kedengsi keme. NDA kachari ratpangri pen keklem kapachunji aphan kengkam kachejor ave mate hemprek kangthim aphuthak NFNS klembang ase angtong kapathe kehang along BJP jabang kehoi atum bangso aphuthak kacherai dunji aphan dengde. Kedamtang There 19 arni Parliament along kacheraiji aphan bang 3000 sose armu Bodoland, Vidarbha, Twipraland, Gorkhaland lapen Karbi State ahavar chingrumsi chesong lo. Hemprek aphuthak kachesong atum la-an kapar-om plup ahut ta prime minister lapen home hinister pen chetongsi mai ingniji puta nang pachetong longle det lo. NDA ratpangri pen hemprek kangthim nang pipe lo pu ladak pensi angthek klangdak lo.
Nonhetjong kelang dun kachini atengke NDA kachari kekhamkhe dunji aphan opposition ratchari do-an chingrumsi state pen central kilik along jirpo chelangsi kilik arjap dun po pulo. Kevangji kilik aprang opposition chingrumrisi ratchari asong atum kapangtang along NFNS ta kacherap kacheto dunji aphan chisik lo. Labangso aphuthak ratchari along kedo dun akenangsot alam apor ahutsi ethan po lapen methang cheraikom aphan NFNS atum chesik chedang po.
Kevangji Jakhong 26 arni New Delhi along NFNS klembang amai pangniji, lasi klembang do-an nang kachetong dunji aphan kachoningri alam NFNS meiphu Shreehari Aney, cherap chunbang Pramod Boro, klembang atum Khorsing Teron, Dhananjay Tripura, Gobinda Basumatary lapen Ananta Debbarma atum birta pachetak aloh pen birta nangpale.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives