ADVERTISEMENT

This area is available for advertisement. Please contact for details.

Arnivang
Get Adobe Flash player

State ratpangri pen pherangke atum aphan avarsai kedeng aphuthak chethan-chimum amai kangni

State ratpangri pen avarsai nangkipi along paplut dun nangne: Longsing Teron

jafaDIPHU, Vosik 29: Chief Minister Sarbananda Sonowal kachepahemphu BJP pajirpo aratpangri along Assam adangpi keklembom pherangke atum aphan ason-ason a scheme dengsi kangthur ponji aphan bor-i lo. Laso atengsi arta ningkan 60 pen aber pherangke atum aphan ke kedamtang Arkoi achiklo niphai 26 arni pen pension kipi asai pangcheng lo lapen seh kachelang ahin ta avarsaita pilo. Lason thak thaksi non abangphu-bangphi tin pherangke keklembom atum aphan akai arjon keraikomji aphan pura Journalist Pension Scheme deng lo. Assam ratpangri atum pherangke atum aphan lapuson avarsai keme kipi ahut paplut dunde detji aphan pura pini arnikangsam apor Thekar asaihem along JAFA patirpisi chethan-chimum amai pangni. JAFA Karbi Anglong aro a meiphu Rajbir Singh pen sankur chunbang Dr. Lipson Rongpi atum kachari amai along JAFA tiri ameiphu lapen Didrugarh University EC bangphu anparta Thekar birta aloh chapbang Longsing Teron pensi keklem-kedam nangji aron do-an aphuthak than pare. Laso ahut alangli kaningje ke, kedamtang aratpangri atum pherangke atum aphan kangthur ponji aphan ason-ason asai kedeng avelang setame non Chief Minister Sarbananda Sonowal kachari aratpangri ningkan hini angbong pherangke atum aphan penang an kamatha dolo, lake arta ningkan trokep pen athak kepleng atum aphan pension kipi lapen seh kelang ahinta avarsai pilo lapen non kipi ponji ke abangphu-baphitin pherangke keklem atum aphan Journalist Insurance Scheme hen lo. Lapuson avarsai batai-batai nanglele det tahai. Lasi non avarsai keme ahutsi abangphu-bangphitin apherangke atum ta laso ale cho-en dunthek nang po pusi pinkhat. Diphu atalom ke-ongdung pherangke klembang atum kacheto dun amai along alangli kaningje thuke lahai avarsai kelong dunji aphan kacherap dun abirta aloh hehui apun-achak kecholim aphan kachithiksi keme athe ratpangri pen kedeng abirta aloh pen jongsi kachoningri aloh jokdun pulote kelong dunta joike po setame DIPRO pen chingki-chethan pen lahai avarsai mate ale kachepalong dunji aphan anutinta bor-i nang po lapen aron kejong ateng pen klem nang po puta pinkhatsi eprang kevangji alam maduta chipu thekthe. Lasi lahai avarsai ilitum kacheklem dun kenangsot pusi pinkhat. Non Journalist Insurance dengdet aphi Journalist Family Welfare Scheme ta Assam ratpangri dengdap prang po, lasi halahai ale kacho-en dunji aphan abangphu-bangphitin a pherangke  ratpangri kedeng (Government recognised) Identity Card pen Accredittation a card dovek nang po pusi pherangke atum aphan pinkhat.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives