ADVERTISEMENT

This area is available for advertisement. Please contact for details.

Arnivang
Get Adobe Flash player

Balipathar along Jagatsing Ingti arideng pen ason-ason ahormu keron

Diphu, Vosik 29: No. 22 Sarupathar MAC Constituency angkang aphan ratpangri pen kapanong ahormu keron amai pangni.
Hunaram Singnar kachepahemphu hormu keron amai along alohi sarpo aman pen KAAC EM Jagat Sing Ingti chetong dun. Pha pangjang alohi Sarupathar VDC chairman Riso Singnar, Bokajan Block Mondal chunbang Lakhiram Rongpi, Block Mahila Marcha ameiphi Kakrung Hansepi, East Karbi Anglong District Mohila Marcha dun ameiphi Kareng Teronpi, Khiram Bey lapen ongdung man kedo atum chetong dun.
Mai kepha athepi alam VDC chairman Riso Singnar si kejai. Laso ahut alangli kejai ke, ‘non BJP parivartan a ratpangri atum Sarupathar constituency angkang apharman nang kapale football, volleyball, cricket set, net, caromboard, racket, therang, hon, sok chili heihui keronji aphansi bangso amai pangni lo’.
Mai along Block Mondal chunbang Lakhiram Rongpi penta ratpangri pen nangkapale ahormu lapen BJP ratchari along kacherap-kacheto dun pen la-an sose song kapatangji alam heihui ta alangli mai along jai.
EM Jagat Sing Ingti BJP Local Committee, SHG lapen rat angno lam kejai ke, Mohila atum abangphu tinta Self Help Group (SHG) kacheseng etji aphan pachini. Ratpangri kaparlo asaikam kaprek-kaprek pen nangkele ahormu chetang an cheron bom lonang lapen chetangte atum ta ning ke-oi nangji alam ave athe lason thakthak ansosesi nangle thujilang. BJP Parivartan ratpangri non hetjong Council mahang kethek katalon ahut kapangdak ateng ke constituency tin aphan kuti kep-kep panong et lo. Lasi Sarupathar apharman aphan kuti kep do lo, lasi chingthur dun bom lo. Non amatta penang asai dengsi klem bom lo.
Lasi kevangji ningkan pli angbong ongdung kachingthur ason nangle jilang. Laso along lang lapen tovar aphansi ardi pi lo. Lasi KAAC CEM Tuliram Ronghang keja pon non aprang keprekjek kachingthur rat atum thek long po lapen BJP ratchari along kevangji apor ahut cherap-cheto dun bom pen BJP kapangtangji aphan klem nang po puta EM Jatsing Ingti jai tekang.
Puthot apor ahut ratpangri pen nangkele ason-ason ahormu EM Jagat Sing Ingti arideng pen ronsi kijut ahut Hunaram Singnar pen kachetong dun atum aphan an kachoro pajirsi mai pachekak lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives