ADVERTISEMENT

This area is available for advertisement. Please contact for details.

Arnivang
Get Adobe Flash player

RCC a dolong kachonghong adai Disama No. 2 arat aphan telong kipi

DIPHU, Vosik 24: Lumbajong constituency kaparlo Jamuna aroi parai kedo No. 2 Disama arat atum aphan panongsi pini Lumbajong MAC mate EM Raton Teron telong kerap pajir dam. RCC a dolong selamle aprang langroi kekap masapso kejoikeji aphansi pini laso atelong pajir damlo. BJP Lumbajong Mondol comiittee ameiphu Rajesh Hanse kachepatirpi kangpu asai along EM Raton Teron kaningje ke kedamtang MAC kilik ahut labangso Jamuna aroi nanghatsi nanglitum along nanghumri lo lapen hulaso ahutsi ihum atelong lapen kithirthip RCC a dolong nangden pipo pu neli chechak tekanglo. Laso atengsi pini abangke nanglitum ihum atelong longlo lapen non RCC a dolong aphan setame ilitum akopai keme ladak Diphu LAC pen Minister kelongdun Sum Ronghang kabor-i pen ajok Lumbajong constituency palongni adim RCC adolong longpo lake ihum abangke ladak Disam No. 2 Jamuna aroi athaksi denpo lapen ihum abangke Borlangpher Model Village Borlangpher aroi athaksi denpo lasi nanglitum matha chepasung nangnelo masapso kanghon chepaninging chet nangpo pusi ningje.  EM Raton Teron achor Anu Ingtipi, Diphu Town Mondol comiittee ameiphi Rina Terangpi, rong asar Sarthe Hanse, Sikari Hanse, Disama No. 2 BJP asong jabang Khoyasing Bey pen danglok ke-ongdung arat atum kacheto dun kangpu amai along EM Raton Teron kaningje thuke Pini nanglitum aphan nangkapajir labangso atelong lake RCC adolong kimke aprang masapso kacheleng kejoikeji aphansi nangpajirlo lapen laso atelong nanglitum akhilo pu chemathasi chelana pameka nangpo puta pinkhatsi Karbi arat chingthur nangji pulote arta kangduk ahut pangri pangdon abangke pajum nangpo lapen hor-ok kecho-kijun abangta pang-ar nangpo pusi hadak rong arat aphan pinkhat tekang. 
Lapu-an arji kiding pen puthot telong ihum kelong aphuthak EM Raton teron aphan Disama No. 2 arat atum kachoro pajirsi EM kachechak alamthe chepaplenglo lapen non RCC adolong pusetame alangli kabor-i pen longpo pusi ning chepathe.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives