ADVERTISEMENT

This area is available for advertisement. Please contact for details.

Arnivang
Get Adobe Flash player

Longki Rongpi aphan meiphu, Nayan Pathak aphan chunbang kepek

Karbi Anglong Seva Kendra atum mai kangni

Diphu, Voasik 24: Hanjanglangso Sports Association pathu aklam along kedo Deputy Chairman barim kt. Jonardon Pathak Open stage along Karbi Anglong Seva Kendra atum amai kangni.
Kangthel Bey kachepahemphu amai along Longsodar Bey pensi mai kepha alamthe jai. Mai along alohi sarpo aman pen MP Binen sing Ingti,  EM barim Jevon Ch. Pathak, EM barim Rajendra Rongpi, EM barim Humsing Bey, EM barim Lunse Timung, EM barim Ramsing Tokbi, Board chairperson barim Kadam Terangpi, Norendra Nath, Simihi Gogoi, Hakim Rongpi, Longki Rongpi atum chenglok ongdung man kedo atum chetong dun.
MP Biren Sing Ingti kejai ke, Seva Kendra mesen pen kachari kachalonji aphan abangphu-bangphi atum aphansi arpu peksi akeme’.
MP Biren Sing Ingti ahin pen Karbi Anglong Seva Kendra kapachingthur thekji aphan tangka Sika 20 kerap po pusi klardak pen lamthe kejai ahut pinpur. Pini amai along alohi kachetong dun atum pen Karbi Anglong Seva Kendra kapangtangji alam pen chenglok penang ardi kedoklong lamthe jai rinti.
Laso aphi kado kave chedonsar pen Seve Kendra kapachariji aphan pusi bangphu-phi chingvai lo.  Laso ahut kado kave chedonsar pen Longki Rongpi aphan meiphu, Sunil Kr. Gogoi aphan dun meiphu, Nayan Pathak aphan chunbang, Uttam Tisso, Longbi Ingti, Purna Chetry atum aphan rap chunbang pek lo.
Habe Rongpi aphan sikdang chunbang, Jonasing Phangcho aphan dihin rimbang lapen Sabin Medhi aphan saihem chunbang anparta akaprek bang 20 atum aphan klembangphu-phi arpu pek lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives