ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi CEM amahang kethek adim Council mahang kethek katalon

Diphu, Vosik 23: Singhason Karbi Lammet Amei atum patirpisi atumi Siloni (Longsokangthu) along ingdeng 67 Council amahang kethek katalon dun. Jona Tokbi kachepahemphu council amahang kethek katalon amai along KLA Singhason aro chunbang Harsing Tokbi pensi mai kepha alamthe kejai lapen alohi kapachini apor en. Mai along Karbi Anglong district kapalong abangphu Ru Semsong Sing Ingti lapen kechengsi Cuncil a CEM Kt. Khorsing Terang atum amohor athengno melur kaisi chikimo. Kachikimo asai patang det aphi alangli tum akai alamo mai along chethansi ning cheparung lo.
Council mahang kethek katalon amai along Singhasong VDC chairman barim Rensing Teron , Singhason along rat asai klembang Provinson Ingti, Sarthe Terang, Lipson Terang atumta chetong dun.
Kechengsi Karbi Anglong a CEM Kt. Khorsing Terang ke Singhason asor, laso ajoinesi Singhason alongta Council amahang kethek talon dun lo. La-an chot kali kechengsi CEM keman a constituency amen pen Singhason arlo pen inut Nominated MAC ta pon nangji pusi hang.
La-an chot kali Siloni along kt. Khorsing Terang lapen Ru Semson Sing Ingti atum akumlin parjap nangji puta atum ingdeng 67 Council amahang kethek katalon amai pen Singhason a KLA mate arat atum hang pusi birta nangpale.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives