ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren alongta alir alon pensi ingdeng 67 council amahang kethek katalon dun

HAMREN, Vosik 24: Atumi West Karbi Anglong arve kejang kachimitme det ahut seta alir alon chipisi ingdeng 67 Council mahang kethek katalon, seta ningduk meme alam ke arve kejang kachemitmedet lapen NEC adolong nonputa ketangte det ajok rat kachingrum dun jumhek asonsi thek long.
La-an angbong sitame aningkanvang asonthotsi pining lethot ta Ingdeng 67 Council amahang kethek arni Hamren alongta talon dun lo.
Jaimek ateng adap porphai 7:30 apor KAAC Hamren Branch Secretariate along EM Rupsing Teron arideng pen alama pachipursi jaimek angkung pangcheng lo. Laso aphi karlitang Ru Semsonsing Ingti amohor along melur kaisi chikimo lo, Hamren hithi barim Semsonsing Ingti akumlin, Dhaniram Rongpi akumlin lapen hithi kimi Rengbonghom akumlin alongta melur kaisi chikimo lo.
Porphai 10 apor Hamren Forest Division patirpisi rong-2000 athengpi aklim Hamren Town angkang eh lo.
Team Karbi Anglong Team amen pen Hamren Civil Hospital along palesi keso det atum aphan thesere ron dam. Laso ahut Hamren angkang arat aphan seh kelang asaihem along doctor kadure alamthe penang-an chingki chethan, jasemet Child Specialist doctor lapen arlosomar aphan seh kelang a doctor akenangsot alamthe chethan.
Laso aphi Hamren Assam State Transport Corporation (ASTC) bus stand athengno Mahatma Gandhi akumlin kesom ingpusi isi Hamren Town arje kelar thek long lo.
Anerlo porphai 1 apor Hamren hithi kimi MUB athengno along rat amaipi pangni. EM Rupsing Teron kachepahemphu amai along Karbi Richo Ramsing Ronghang alohi sarpo aman pen chetong dun. Laso along MLA Dr. Mansing Rongpi, MAC Reena Terangpi, MAC Pawan Kumar Rai, BJP west Karbi Anglong District Committee ameiphu Arun Terang,  MAC Prabhat Taro lapen ongdung man kedo atum chetong dun.
Mai along Karbi Recho Ramsing kejai ke, KAAC pen un-an ke pinpomar atum aphan pirthe kimi, kai kimi along kachelar dun thekji aphan avarsai pinangji lapen langpon nangji pusi choningri.
Ingdeng 67 kepleng KAAC Foundation Day arni Irrigation ahin kelang kachari Assam Minister Bhobesh Kalita aphan Hamren kevangji aphan jaimek along ketok ang atengsi rat atum chonghong lo, seta Hamren angkang dolong kave tovar kacheleng kesung pen ajoksi vangve det loma pusi ongdung cheroktok arat atum chethan.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives