ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu FA aphan Hills United FC atum 3-2 a gaol pen kaparem

Diphu, Vosik 24: Karbi Students Association Nihang Rongkethe aro atum kapatir Summer Knocl Out football tournament pini angdung kiti pathu et lo.
Pini Diphu Football Academy lapen Hills United FC atum angbongsi angdung kiti pathu chedan lo. Minut 90 kapathu ahut kechengsi angkung kapathu along Hills United FC atum goal kethom thapsi ingdung isi kapathu chepahai lo. Laso aphi adunthu angkung kapathu ahut Diphu FA atumta goal kethom thap dun lo seta kapathu kijut ahut anta kado kave a goal chitu et un-eh det lo.
Kapathu kapajut ahut an Hills United FC atum 3-2 a gaol pen Diphu FA atum aphan parem lo.
Pini angdung kiti kapathu along alohi sarpo aman pen Lumbajong VDC chairman Lawrence Ronghang chetong dun, phapangjang alohi aman pen KSA ameiphu Bijoy Bey lapen Dima Students Association Karbi Anglong Committee ameiphu Dhiraj Diphusa pen chenglok penang an man kedo atum chetong dun.
Nong-eh kapajir amai along VDC chairman Lawrence Ronghang pen pathu aklam kapacheklamji aphan chechak tekang. La-an chot kali kapathu ahin la-an sose kapaprang dun thekji aphan pusi pini angdung kiti kapathu along kerem kehai aterank atum aphan hirjume pajir.
Lason thakthak KSA pen DSA ameiphu atum penta Football kapathu ok pran aphan akeme do pu pen chenglok penang ardi kedoklong alam pen than pare tekang.
Laso aphi kehai atum aphan VDC Chairman Lawrence Ronghang arideng pen nong-eh pajir lapen kerem aterank atum aphan KSA ameiphu pensi nong-eh pajir lo.
Goal kethap ke-ongnai lapen ball kenep kemenai anong-eh Hills United Football Club apathu bangphu atumsi cheparideng lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives