ADVERTISEMENT

This area is available for advertisement. Please contact for details.

Arnivang
Get Adobe Flash player

Small and medium newspaper atum ‘ese do seta ese ave nangdet’: Governor

IMG-20180623-WA0039Guwahati, Vosik 23: India along small and medium newspaper aphuthak Assam Governor Prof. Jagdish Mukhi kaningje ke, det arlo lorchi-lorcha alam pangrumsi sankur arat athengno pachini po anparta somindar along kopi-pi pen jakong kapangbop alam heihui ta pachinisi long lap po.
Pini arnikangsam Raj Bhavan along Association amai kangni along Governor Prof.Mukhi kejai ke, atok ano pen ingsir pamesi hamphang along birta pachetak ajoine India along small and medium newspaper atum pen democracy ajakong pangtang lo. Alangli kaningje thuke, det along small and medium newspaper atum penang akisung kachingtang nang do lapen chingrumpet pen laso akisung athit chehek un po pusi ning chethe lo. Alangli kachoningri alam kaningje ke, ‘ese do seta ese ave nangdet’, lasi  kapaveji aphan Association aklembang do-an small and medium newspapers along pangthur nangpo lapen kachingthur aphan keklem mang-eh nangpo lalote small and medium newspaper atum isi arisim chemansi hamphang pachingthur nangpo. Lasonsi small and medium newspaper ahemphu atum akisung kachechak nang lapen birta ke-en akisung aphuthak pachetak nangpo puta Governor choningri.
Small and medium newspaper atum kaprek kaprek akisung athit kehek thekji Governor abidi sore kethan aphuthak Association choro pajir. Small and medium newspaper atum kosonsi keklem kedam alam aphuthak association klembang atum pen Governor aphan than pachini. Hamphang ameiphu KD Chandola kejalin along bang 22 bangphu/phi atum chetong dun.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives