ADVERTISEMENT

This area is available for advertisement. Please contact for details.

Arnivang
Get Adobe Flash player

Pay Objection Committee atum kapajir a report chokche pusi AAKP ning kangsamse chepaklang

GUWAhati, Vosik 23: 7th pay Commission alamjaimek (Report) ateng pen kedeng chiklo bainong aron 2017 along kedo chiklo bainong kisung keboi do-an kapajokji aphan asai arpu kijut tang Chief Scretary Probir Kumar Dutta patirpisi state ratpangri atum Committee isi seng pilo. Setame laso a committee atum chiklo kapajir a report lake chokchelang pusi All Assam Karmachari Parishad pangdak. Pay Objection Committee atum prapjin pen labangso a report pachoksi state adangpi chokomar atum aphan ning pangsam nangpo pusi ratpangri aphan choningri. Pini Dispur Press Club along All Assam Karmachari Parishad atum pherangke amai pangnisi labangso a report lake chokchelang pusi akoi pi. Karmachari Parishad a meiphu Basap Chandra Kalita kaningje ke, Chiklo bainong along kisung keboi do-an ason pinpur aloh pen pajir nangji pu Pay Objection Committee atum kapinkhoat atengsi Karmachari Parishad atum pinpur aloh pajir lo. Pay Objection Committee atum kedamtang Arkoi achiklo niphai 10 arni lamjaimek (report) pajirlo setame state ratpangri atum Vosik 21 arni labangso a report rat athengno paklang det aphi state arlo chokomar atum ning kangsamse dokok lo. Jasemet petke labangso a committee atum Karmachari Parishad atum pen kisung keboi do-an aphuthak thangnat kachingvai ave pin pen jung-jung labangso a report kapaklangdet ajoinesi Karmamachari Parishad asong atum aphan ning pangsamse detlo pusi ningje. Revised Pay along Pay band 1 pen 3 band an pakam nangji, Revised pay 2016 aningkan Arkoi achiklo pen klem nangji, Chokomar avarsai kijutsi arta an bainong kachintonkok akisung pajok nangji pu pen danglok chokomar atum chiklo bainong along akisung do-an aphuthak pajok nangji pusi hang.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives