ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 67 KAAC mahang kethek katalon, Ru SS Ingti, Khorsing Terang atum amohor biponpe det: Sarthe Kramsa

DIPHU, Vosik 23: Pini vosik niphai 23 arni ingdeng 67 KAAC mahang kethek arni Diphu arongsopi along alir acham pen talon lo. Setame labangso katalon ahut mate Joysing Doloy Auditorium hall along rat amaipi kapangni ahut nahokta Ru Semsong Sing Ingti pen Khorsing Terang atum amohor kibi ponpe det abangke ning duk meme lo. Athe Ru Semson Sing Ingti pen Khorsing Terang atumke Karbi Anglong nangkikim pivek abangphu atumlo. Alanglitum  Karbi Anglong district nangkepalongpi ajoinesi hulaso ahut Karbi Anglong District Council ta seng longlo lapen pini arni rengdok –rengni dolonglo. Setame pini BJP chari jabang atum alanglitum bang hini aphanta amohor kibi ponpe det abangke phurkimo kelar asonlo lapen Semson Sing Ingti pen Khorsing Terang atum aphan kedongthip ason mandetlo pusi West Karbi Anglong District Congress Committee a meiphu Sarthe Kramsa birta pangdak. Kramsa asangho kapangdak thuke pini ason katalon arnike Semsing Ingti pen Khorsing Terang atum amohorsi dovek nangji apotlo setame Prime Minister Narendra Modi pen Chief Minister Sarbananda Sonowal amohorsi doronglo lasi lake kechokche thektiklo athe pini KAAC mahang kethek arni katalon lake ratchari asong amai kali puta Kramsa asangho ningjesi Karbi arat atumke Narendra Modi pen Sarbananda Sonowal atumle kethe kali Ru Semsonsing Ingti pen Khorsing Terang atumsi kethelang pusi  meiphu Sarthe Kramsa pangdak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives