ADVERTISEMENT

This area is available for advertisement. Please contact for details.

Arnivang
Get Adobe Flash player

BJP haidet pen MAC P. Chandra Taro ningkan isi kepleng

Vijay Utsav katalon

Diphu, Vosik 23: Bhoksong Sports Association Indoor Stadium along Duar Amla Constituency along BJP pen kachetoi dun abangphu kehai ningkan isi kepleng katalon. BJP Amri Mondal committee ameiphu Bhupen Rabha kachepahemphu amai along BJP West karbi Anglong district committee ameiphu Arun Terang,  MAC Probhat Chandra Taro, Longsing Rongpi habe, Daur Amla VDC Chairman Dilip Millik, polling station 31 ameiphu chunbang atum chetong dun.
Neli Duar Amla MAC ningkan isi kepleng katalon ke ladak arat atum ajoine lo, rat atum ning isi kedo ajoinesi pini arni lapuson Vijay Utsav talon longlo.
Karbi Anglong arlo Duar Amla Constituency hen lo no.1 constituency lapen kethe a constituency ilitum kachingthur asai keklem pen ningkan isi plengsi pini ning arong pen lapuson amai talon longlo.
Kaprek kaprek kachingthur asai keklemji aphan ilitum a constituency aphan Tuliram Ronghang kachari Karbi Anglong Autonomous Council pen Sika crore 30 an panong lo.
Mai along MAC Prabhat Chandra Taro pen State, Central lapen District BJP asongja atum aphan kachoro pajir. Laso ahut rong arlo kedo asongja atum aphanta MAC Prabhat Chandra Taro pen kachoro pajir.
La-an chot kali kevangji arni kopi koson keklemsi keme kado kave atumta bidisore nangpi dun tame puta alangli jai.
‘District angkang Daur Amla si kachingthur nai a constituency man lo’ pusi BJP West Karbi Anglong District  ameiphu Arun Terang jai.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives