ADVERTISEMENT

This area is available for advertisement. Please contact for details.

Arnivang
Get Adobe Flash player

Hamphang asong atum DGC amen kachethap kekhang dun

Diphu, Vosik 18: Dilung kethom kachingvai aphan Karbi Anglong Autonomous Council pen pha det aphi ta DGC Principal Dr. Nirab Kr. Sharma chetong dundesi osomar amen kethap asai keklem rong ajok KSA, KSA, KYDO, AASU, HPYA lapen kaprek-kaprek hamphang asong atum Diphu Government College men kethap asai keklem bom adim along pale dunsi men kethap khang dun lo.
Laso ahut hamphang asong lapen Diphu Government College a principal Dr. N.K Sharma angbong penang an lam chedan lo. Laso ateng hamphang asong atum lam kachedan haisi kedamtang online kachoningri aloh kejok dun longle pen amen kachethap dun longle a osomar atum aphan offline pen amen pachethap long po pusi chekroi lo.
Laso kachekroi ateng offline amen kachethapji aphan choningri aloh (application form) pini arnikangsam apor DGC principal pen hamphang asong atum arideng pajir-et lo. Laso ateng hamphang asong atum pensi choningri aloh men kachethap dun longle lang a osomar atum aphan pajir po.
Pinpurme, kedamtang arni Karbi Anglong arlo loh charli asong KSA hini pen chenglok kaprek-kaprek hamphang asong atum chelangsi online kachoningri aloh kejok dun longle atum aphan offline amen pachethap long nangji pusi KAAC arideng pinpur aloh pajir dam lo. Laso ateng pini KAAC, DGC lapen Hamphang asong atum angbong dilung kethom kangchingvaiji aphansi apor jong lo, seta DGC Principal kachetong dunde det ajoine dilung kethom amai ingni longle det lo.
KSA (Lumding Atovar), KSA (Inglongpho), KYDO, AIKSU, AASU, HPYA, SYJ atum chelangsi arnikangsam apor KSA (Lumding Atovar) asaihem along pherangke amai pangni.
Pherangke amai along uniform college fee policy alam pen chenglok kaprek-kaprek aphuthak kachesong nangji alam pangdak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives