ADVERTISEMENT

This area is available for advertisement. Please contact for details.

Arnivang
Get Adobe Flash player

AAP choche junje kachesong along Manish Sisodia apran kememe ajok hospit kepon

New Delhi, Vosik 18: Lieutenant Governor Anil Baijal’s asaihem along choche junje kachesong Delhi deputy chief minister Manish Sisodia pini apran kememe ajok hospital kepon.
Raj Niwas along Aam Aadmi Party (AAP) atum choche junje kachesong ahut Sisodia abarso ketone level 7.4mmol/L an kele ajok alangphan Lok Nayak Jai Prakash Narayan Hospital seh kelang aphan pon det lo.
Bhomkuru aningve het lang Delhi health minister Satyendra Kumar Jain ta choche junje kachesong dun along apran kememe ajok Lok Nayak Jai Prakash Narayan Hospital seh kachelang dam nang.
Sisodia, Jain, Kejriwal lapen cabinet minister Gopal Rai atum kedamtang erui dolo choche junje kachesong asai kedeng.
Delhi administration arlo keklem IAS officers atum ason-ason kehang lapen ‘undeclared strike’ kapangtonji aphan si latum laso asai kedeng.
West Bengal Chief Minister Mamata Banerjee, Kerala Chief Minister Pinarayi Vijayan, Karnataka Chief Minister HD Kumaraswamy lapen Andhra Pradesh Chief Minister N Chandrababu Naidu atum ta Kejriwal along chedon dunsi laso alam aphuthak kelang dunji aphansi Prime Minister Narendra Modi aphan ta choningri pidun.
Chief minister bang pli atum Kejriwal along chedon dunsi Bhomti arni Baijal’s asaihem athengno joint press conference pha.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives