ADVERTISEMENT

This area is available for advertisement. Please contact for details.

Arnivang
Get Adobe Flash player

Soluk-sodak ajok satlang ketok dun longle atum aphan patok thu long nangji: KSA

HAMREN, Vosik 16: Kaprek kaprek a college along 4th semester asatlang ketok bom ahut Panjuri Kachari arong along alamki pen state adang hur kechodut ajok Karbi Anglong pen angtan loh kacharli dam Karbi a osomar atum satlang tok dun longle det lo. Athe hur kechodut ajok charli osomar atum kaphere lapen kisung kepho pen kachepajokji aphan pusi amethang-methang ahem chevang etlo.
Ketok dun longle det asatlang puthot kachetok thu longji aphan pusi KSA Hamren Head Branch atum pen Assam education minister Sidhartha Bhattacharya aphan kapanong a pinpur aloh West Karbi Anglong a deputy commissioner Debojyoti Hazarika arideng pinpur aloh pajir dam.
Satlang ketokdun longle det kacharli osomar atum aphan puthot satlang patok thu long nangji pusi pinpur aloh along jong dun.
Jongsi laso semester asatlang tok longle det pulote charli osomar atum lapu-an ajir kiding pen kacharli ke ale avedet asonsi mandet po. Lasi soluk-sodak atemon ajoine ketok dun longle a subject do-an puthot pachetok thu nangji pusi pinpur aloh along jong dun. KSA Hamren Head Branch ameiphu Prosonto Ingti jalinsi atumi DC arideng pinpur aloh kapajir asai pachun lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives