ADVERTISEMENT

This area is available for advertisement. Please contact for details.

Arnivang
Get Adobe Flash player

Lang kanglum kisung kepho atum along KAAC CEM kahumri dam

IMG-20180617-WA0019Diphu, Vosik 16: Kopili alangroi lang kethe pen kangbak ajok Bithung Rengthama constituency angkang penang an adim along lang inglum lo. Lang kanglum ahavar along pini Karbi Anglong Autonomous Council a CEM Tuliram Ronghang kahumri dam. Lang kanglum akisung kepho atum aphan kijun alang pen chenglok kaprek-kaprek kerap ahormu kapale serakji aphan district administration aphan CEM pinkhat lo. La-an chot kali lang kanglum pen kachopachong aboha along kedo atum aphan jasemetpet arleng kesar lapen osomar atum aphan seh kelang asai kedengji aphanta CEM pachini.
Lang kanglum kisung kepho atum angbong madu aphan ta pangjokkok avedet nangji pusi CEM sodak pachini.
Laso ahut alangli methang pen-pen amatsi lang kanglum kisung kepho atum aphan kecho ahormu heihui ta ron tekang lo. Bithung Rengthama Constituency angkang kisung kepho atum aphan chotle kerap ahormu kapale nangji kali, bonta Karbi Anglong angkang kaprek-kaprek ahormu along lang kanglum ajoine kachepangchong aboha along kedo atum aphan kerap ahormu kapale serakji aphan ta KAAC CEM Tuliram Ronghang district administration atum aphan pinkhat lo.
CEM Tuliram Ronghang lang kanglum kisung kepho atum along kahumri dam ahut KAAC EM atum Prodeep Rongpi, Amarsing Tisso lapen Jagatsing Ingti, MAC atum Mongol Sing Timung, Horensing Bey lapen Prabhat Chandra Taro, Executive Engineer Flood Control Miji Kro lapen kaprek-kaprek atum chetong dun.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives