ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong angkang Christian amondoli along Po Arani katalon

IMG-20180617-WA0014Diphu, Vosik 17: Pini pirthe adang Po Arani katalon along pacheton dunsi Saphapani Area Baptist Fellowship (SABF) angkang Lakhijan Baptist Church along ta talon dun. Pini porphai 10 apor pen Pastor Aaron Teron kachepahemphu amai along Bible porhisi mai kangpu alun ijir lun pensi mai pangcheng lo.
Pini Somindar adang Po Arani apharman Andaman & Nicobar Island pen Rev. Ahasway Rowgjy si Po atum aphan Arnam ahirjume hang lo.
Adunthu Nimarli ameiphi lapen ari asangho atum chepatirpisi Po atum an atum aphan panongsi nong-eh pajir lo.
Laso aphijong lun apor ahut Sunday School osomar atum pen lun pen kekan paklang lo. Lason thakthak Andaman pen kevang riso-okorjang atum penta jumesen alun parju lo.
Adunthu Pepina Derapi bible porhi damsi Arnam alam kachetong dun alohi Thanbang Naw  Ahmay Po akanghon alam than. Laso ahut langli kethan ke Po atum achor lapen asomar atum aphan kachinghon nangji alam kachethan po atum kachepindeng nangji alam heihui ta alangli than pajirmi lo.
Laso thakthak Diphu Area Baptist Fellowship angkang kedo Hidisajir Baptist Church, Diphu Baptist Church lapen kaprek kaprek amondoli along ta Po arni talon dun.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives