ADVERTISEMENT

This area is available for advertisement. Please contact for details.

Arnivang
Get Adobe Flash player

Arunachal Pradesh alongri arlo thom longle kangrei

ITANAGAR, Vsoik 17: Non malom arve kejang pik ajok Arunachal Pradesh, West Kameng alongri arlo Bomdila anat Sesa pen Tipi adak long thom longle kangrei pen kacheleng katora dolo. Bhomta arnikangsam penlo longle kanglem ajok rat atum kacheleng aphan kisung pusi local MLA Kumsi Sidisow than.
Laso a tovar ke Tawang adung international border pen kachetok a tovar. Arve kejang pik ajoksi longle kanglem.
Bhomta arnikangsam apor tovar kaheno ajok gari kepar un-e lapen kijui dam atum aphan rap dunlo pusi administration than lapen laso atovar kangpu thuji aphan ni thom bak nangkok tathek pusi than.
Bhomta arni ke rihing ameh ta kave det ajok hadak kedo arat lapen kijui dam atum ta kisung dolo. Bhomta aningve rihing ameh pilo seta Bhomti adap puthot meh kave det ajok West Kameng alongri phone kachingkiji aphan ta akisung dokok lo.
Hadak a deputy commissioner Sonal Swaroop, Bhomti arni phone pen kapachini atengke long thom tovar kaheno ajok Urmi arni ansi tovar ingpu unpin po pusi pu lapen hadak kachingthang abangphu atum aphan Bhomta arnikangsam aporsi pajok dun lo. Bhalukpong pen nangkachirui a gari an ta Rupa kivurput Orang pen Kalaktang atovar anat pensi kedam lo pusi DC than.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives