ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren Girls’ High School along Chief Minister Special Package a scheme pen cycle keron

HAMREN Vosik 11: Pini Hamren arongsopi arlo Hamren Girls School along Chief Minister Special Package pen kapajir a cycle kecharli arlosomar atum aphan keron. MAC Mongolsing Timung arideng pen bang 13 arlosomar atum aphan cycle keron ahut SMC ameiphu Santang Ronghang si mai chepahemphu lapen thanbang kehoi Prodip Bora mai kepha alamthe jai. Laso ahut man-peng pen Board Chairman barim Bidyasing Teron, Hamren LAMPS Chairman Joy Ingti, BJP Kishan Morcha sankur chunbang Arson Ronghang, Hamren Town Committee (HTC) Chairman barim Basa Teron anparta BJP along klemsip abangphu-bangphi atum chetong dun.
Labangso a school kapamesenji aphan pura longle kachipi pen chenglok ahem ta mesen kim rang lo. Ratpangri pen havar arat aphan ason-ason avarsai kipi along jongsi amethang asomar nang chetoi dunde pulote labangso a school kanghap apor nangle rok tahai pusi MAC Mongalsing Timung jai.
Pini Chief Minister Special Package pen arlosomar atum aphan loh kacharli kedam-kevang kejoike aphan cycle avarsai kipi chot kali tuition ke-en anam anta cherap dunji pusi osomar lapen api/apo atum aphan MAC Timung asangho pachini.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives