ADVERTISEMENT

This area is available for advertisement. Please contact for details.

Arnivang
Get Adobe Flash player

CAB paprai nangji pusi CPIM(ML) PM aphan kapanong pinpur aloh kapajir

DIPHU, Vosik 13: Vosik niphai 11 arni India adangpi arlo Citizenship Amendment Bill paprai nangji pu kachesong along pacheton dunsi ladak Diphu arongsopi alongta CPI(ML) patirpisi laso kachesong asai deng dunlo pusi ladak pachetak aloh pen CPI(ML) birta nangpale. Pachetak aloh along kapangdak ke, HPC chunbang Robi Kumar Phangcho, KNCA chunbangpi Pratima Inghipi, CPI(ML) abangphu Selawar Bey, HSDC sankur chunbang Laichan Ingleng, rap chunbang Amlong Ingti, KSA a meiphu Semeon Rongphar, KANKISS ameiphu Longkiram Tokbi, AISA Hills Committee chunbang Ranjit Kramsa, RYA a meiphu Babusing Killing, SYJ sankur chunbang Rocky Tokbi atum jalinsi HPC asaihem pen armu kachejeng pangchengsi DC asaihem along an palelo lapen Citizenship Amendment Bill paprai nangji pusi Prime Minister aphan kapanong pinpur aloh pajir lo pusi pachetak. CPI(ML) HPC saihem chunbang Gobin Tokbi pachetak aloh along kapangdak atengke, Pinpur aloh pajir damdet aphi puthot CPI(ML) asaihem along mai pangni lo. Khorsing Singnar kachepahemphu amai along arni kangsam porphai pli an mai ingnisi Citizenship Amendment Bill ateng pen kopi pi akisungsi kephojima alam chethan chimum lapen prime Minister Narendra Modi kechari tiri ratpangri atum rat aphan kapasung alamthe heihui chethan lo pusi pachetak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives