ADVERTISEMENT

This area is available for advertisement. Please contact for details.

Arnivang
Get Adobe Flash player

Tripura along ta Assam ason NRC updation klem nangji pusi tribal parties atum kehang

Agartala/Guwahati, Vosik 12: Assam pen det non Tripura along ta NRC updation klem nangji pusi alam keklang. Laso asai keklem aphan cut-off year ke 1951 pen nangji pusi tribal-based parties atum kehang.
Tribal parties kethom National Conference of Tripura (NCT), Indigenous Nationalist Party of Tripura (INPT) lapen Indigenous People’s Front of Tripura (IPFT) chelangsi NRC updation klem nangji  pu rally kibi lapen kapachethang pangcheng lo.  Laso aphuthak INPT atum Vosik 28 arni Agartala along ghonta pho sit-in demonstration kedengji alam do. Sonthakthaksi, kevangji Chiti achiklo New Delhi along ta demonstration bidamji pusi pu.
Joint Parliamentary Committee (JPC) kelang chari pen kaselam Citizenship (Amendment) Bill 2016 aphuthak ke NCT, INPT lapen IPFT asong chekroi dunde. Constitution arlo 8th Schedule along tribals’ Kokborok alam ta parlo pon nangji pusi kehang. Sonsi Inner Line Permit nangji, Tripura Tribal Areas Autonomous District Council (TTAADC) aphan ansose ajakong nangpi nangji lapen kheiso alongle kerai asai deng nangji pusi kehang.
Communist Party of India-Marxist (CPI-M) keja left Front, Congress lapen Trinamool Congress party penta Centre’s citizenship Bill aphuthak khamkhe dun.
INPT ke Tripura along keban nei tribal party angbong pen isi lo. 2002 aningkan Tripura Upajati Juba Samity (TUJS) lapen Tripura National Volunteers (TNV) chelangsi  INPT amahang kapathek. IPFT ke Tripura along BJP kejalin government along kacherap dun a  party lo. lNPT pen IPFT, party hini kedamtang aningkan Thangthang achiklo NCT a party pen cherapsi All Tripura Indigenous Regional Parties Forum (ATIRPF) senglo lapen alangtum ason-ason akemang aphuthak chesong rappet lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives