ADVERTISEMENT

This area is available for advertisement. Please contact for details.

Arnivang
Get Adobe Flash player

Laso alamki pen adai kave madu aphanta pasung nangne: ULFA

Nilutpol pen Abhijit aphan kapathi alamki aphuthak akangsai long nangji:ULFA

GUWAHATI, Vosik 12: Nilutpol Das pen Abhijit atum aphan apran karmut aphuthak sodak pinremlo lapen ahem asor atum aphan nelitum ningduk chipilo pusi ULFA monsam aklam along kevang abetung atum pachetak. Ketokjir aloh pen ULFA ameiphu Arbinda Rajkhowa kapangdak ke, Laso alamki aphuthak prapjin pen Assam administration atum ingsai serak nangpo pusi chiningri lo lapen lamki along kacherap kedo-an atum aphan sodak ingsai nangpo anparta Assam along monit atum akai keraikom pi nangpo.  Administration atum dokok aphita lapuson alamki kepho nangke Assam arat atum matha kisung nang ason dokok lo puta Rajkhowa pachetaksi, Laso alamki aphuthak ahokpet akangsai kelongji aphan kachesong thurpak lake mesenlo lapen chesong nangpo setame adai kave Karbi arat lapen charli abangphu bangphi anparta isivet araje kachinglit akaprek inglong aso akhei atum aphan kapasiksak pen danglok kether -kehap  keklem atum dolo pusi chini dun lasi lason khei angbong kacharvoji meme asai abangke klem nangne pusi ULFA pachetak. Karbi Anglong along Nilotpol pen Abhijit atum aphanke komane ot langno atumsi pathilo setame Kado kave Karbi arat atumke kali lasi laso along adai kedovek atum aphan kenep kangnang along administration atum along cherap-cheto dun nangpo pusi pachetak aloh pen ULFA choningri.  Methang methang adim kedo song hamaphang asongja atum administration atum pen cherap chetosi lahai soluk sodak atemon kapahamji aphan sai deng nangpo lapen kitinthap, kahonthe thap pen lamki kedo kapajokji aphanta cherok tok asai heihui deng angpo pusi pachetak aloh pen Rajkhowa choningri.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives