ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren rongsopi khei, dhorom chipupe pin pen Nilotpal Das pen Abhijeet Nath apharman melur kekai

Hamren, Vosik, 12: Kedamtang Vosik niphai 8 arni Panjuri Kachari arong along Abhijeet Nath pen Nilotpal Das atum aphan Phangkedong kitin pen ongdung abangphu atum apran karmut det aphuthak Hamren arongsopi arlo kedo arat atum ningduk chipi. Laso alamki along apran kedamjui bang hini atum akarjong chom rongme kaparap thekji aphan pura khei dhorom chipupe pin pensi Hamren arongsopi arlo melur kekai asai deng.  Hamren beha keklem asong, Hamren Bazar Committee, KSA, Chinthong Mondal Yuva Morcha, Hamren Town Mondal Yuva Morcha, SHG, chojor-cholang atum do-an chingrumsi laso asai deng lo.
Pinpurme kedamtang chiklo ejon sose aprang pen lo ajahak atum phangkedong alam pen Facebook pen Whatsapp along aronre pen pachetak thap-pachetak prui dolo setame KAAC kachari atum lapen administration atum thangnat kacheroktok asai kedeng kavedet lapen kangsam dunri ajok amethang kacheraikomji aphan rong arat atum keton-kelang asai klem lo. Setame kopai kelangno ajok Guwahati pen bang hini arisomar atum Karbi Anglong arlo Kangthilangso, Panjuri Kachari arong along phangkedong kitin pen apran kedam nang ke ningduk lo. Majok setame aron (Law) arideng en-e det nangji, athema aron pen kangsai kipiji aphan ke ahavar tin along ta Police Station (P.S) dorep lo. Lasi laso alamki along komat ma keklem kechokche atum aphansi ahokpet akangsai pi nangji pusi Bazar Committee ameiphu Bidu Bushan Deb pen KAAC Administrative & Economic Reform Board Chairman barim Krishna Prasad Sarma atum ningje.
Mo nonphi lapuson asai langno mate temon langno kapajapje detji aphansi alanglitum kado kave arat aphan choningri.
Halapu Hamren DC asaihem along ta arnikangsam porphai pli apor hamphang asong jabang, rat asai klembangphu, senior citizen do-an angbong mai pangnisi laso alamki aphuthak kosonsi kapangsam unjima aphuthak bidi-sore chepachoi.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives