ADVERTISEMENT

This area is available for advertisement. Please contact for details.

Arnivang
Get Adobe Flash player

CAB che-en nangji pusi AGP kehang

Delhi along home minister aphan AGP abetung kachetong dam

GUWAHATI, Vosik 12: Citizenship Amendment Bill aphuthak Dispur angtan arlo alongta AGP khamkhe bom lo. Assam Accord aphan  panung kuksi tiri ratpangri atum Citizenship Amendment Bill kedengji aphan kabor-i  aphuthakk hamkhesi pini AGP atum Vosik niphai 11 arni Assam Governor aphan chetong damdet aphi pini puthot Delhi arongsopi along home minister Rajnath Singh aphan chetong dam lo. Laso ahut Citizenship Amendment Bill che-en thu nangji pusi hanglo lapen AGP ameiphu Atul Bora kejalin AGP abetung atum Rajnath Singh aphan pinpur aloh ta pajir lo. Chief Minister barim Prafulla Kumar Mahanta, Brindabon Goswami, Keshop Mahanta, Phanibhunchan Choudhory lapen MLA atum kidun labangso kachetong dam ahut Atul Bora kaningje ke, Labangso a bill jongsi deng pulote kedo barim akhei atum akisung dokok, jutang-jubat elam eki pen danglok phurkimo vir etpo po lapen minority cheplang dun etpo pusi ningje. Laso a bill aphuthak Assam along chingri pet pen chesong bom lo puta ningjesi phurkimo Assam Accord aphan kelangrem asonpo lasi laso aphuthak Asssam arat ajoine esonbak kacherai ason deng nangpo pusi home minister aphan choningri. Laso atengsi home minister Rajnath Sing ahin penta Assam arat apharman tiri ratpangri kacheraiji aphan sai dengpo pusi AGP abetung atum aphan ning pathe.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives