ADVERTISEMENT

This area is available for advertisement. Please contact for details.

Arnivang
Get Adobe Flash player

Vothatlangso along PL Football Club League angdung kiti

Diphu, Vosik 11: Vothatlangso Chucha Sports Club atum pen patirpisi Proper Lengery Football Club League Championship pini angdung kiti.
Kedamtang Therepo achiklo niphai 9 arni pen Bhomkuru arni tin proper Lengery kethurmi ariso atum aphan kepathu ahin kangthur mate cheroktok kedo thekji aphan pura football kapathu pangcheg lo. Bangso kapathu chepate along pini kijutsi angdung kiti pathu lo. Kado kave krepli aterank atum pathu dun. Laso angbong pen pini Kora Erpi FC pen Bor Anglong FC angbongsi angdung kiti pathu lo. Kora Erpi FC atum kapathu kethek munak ajok Bor Anglong FC aphan goal 2 thap pensi parem lo. Bangso Football League kapathu kecheng pen kijut referee Amor Hanse pen alangli risangho atum pen-pen ingsamjin pensi pachun lo.
Angdung kiti kapathu amai along alohi sarpo aman pen Kishan Morcha West Karbi Anglong District ameiphu Prodip Terang chetong dun. Anparta KASA dun meiphu Lipson Bey pen chenglok penang an kethe-kiding atum chetong dunsi kapathu ariso atum aphan ning parung tekang.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives