ADVERTISEMENT

This area is available for advertisement. Please contact for details.

Arnivang
Get Adobe Flash player

Satlang ki-un dun atum aphan Rongchingrum Rotno Kro arong arat karcho

IMG-20180610-WA0024DIPHU, Vosik 11: Diphu arongsopi adung kedo Rongchingrum Rotno Kro arong along pen asatlang angthek ki-un dun abangphu-bangphi atum aphan pini Rongchingrum LP School aklam along karcho. Aningkanvang ason thak thaksi piningkan lethot ta Rongchingrum Rotno Kro arong arat atum cherap-chetosi kachepatirpi karcho asai angdeng along pachetonsi pini porphai 10 bangso amai pangcheng. Karcho amai along alohi sarpo aman pen Rongchingrum Rotno Kro arong asar asopo akleng Lipson Kro chetong dun, anparta  Kro arong man-peng kedo abangphu Harsing Tokbi, Rameshwar Bey, Mensing Teron, Rotno Kro arong Development Committee ameiphu Hiltesh Taro, Riso Basa Borsing Teron pen danglok ke-ongdung Kro arong arat atum chetong dun. HSSLC pen HSLC pangrumpet bang 7 abangphu-bangphi aphan poho pen archosi nong-eh pajir. HSLC asatlang ki-un dun bang 6 angbong Jirmi Tokbipi pen Angring Teronpi bang hini atum matric asatlang along 1st div. lapen English subject along letter longdun. Lason thakthaksi Lokhi Teronpi, Harlin Beypi, Purnima Katharpi, Anita Inghipi lapen Amit Inghi atum matric asatlang along 2nd div. longdun anparta HSSLC asatlang along Klimson Terang 3 div. long dun. Sonsi, HSSLC inut lapen bang 6 HSLC un dun lo. Pinpurme, satlang ki-un atum aphan karcho amai pangchengche aprang Kt. Priya Taropi aphan chikimo lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives