ADVERTISEMENT

This area is available for advertisement. Please contact for details.

Arnivang
Get Adobe Flash player

Rong ni along Rongmongve PS pen cheroktok amai kapangni

Diphu, Vosik 11: Urmi Vosik niphai10 arni adap porphai 10 apor pen Rongagorah Domrui Men Kathar arong lapen puthot anerlo porphai 1:30 apor Rongagorah Bithilangso Kramsa arong along Rongmongve police station atum pen kacheroktok amai pangni.
Rongmongve Thana Committee ameiphu Mohen Bey kachepahemphu amai along police station a OC Mwoblick Brahma, Dorsing Kramsa, Manik Kathar atum chenglok ongdung rong arat atum chetong dun.
Mai along havar arlo lapen rong arlo ingsamjin pen kedo-kethak longji, rong arlo kaheno atemon kapalut longle detji, jasemet pen Kaziranga National Park along kedo kindu a ok-hung atum ajoine kisung kepho nangne detji, rong arlo chonghu-chonghi atum aphan kapavirji, non malom phangkodong aphuthak kachethang pik ahut kacheroktok kedo thekji lapen so-arlo atum aphan kecholangrem heihui alam aphuthak mai along chethan-chimun.
Rong arlo jongsi komatne kachinine pin amonit aphan thek long pulote rat atum thana aphan pachini dam nangji, kindu a okhung atum aphan pavir nang po pusi thana amei ameiphu Mohen Bey mai along choningri.
Lahai akeheno asai pavir et lapen kaheno amonit aphan rong nang palutle longle det lote rong arat atum ingsam pen do thak long po.
Rong arlo kaprek-kaprek akisung aphuthak rat atum thana vang pen kado kave alam nang pachini nangji lapen ok-hung atum aphan kiri katarlip ahut rat atum nang cherap nang cheto dun nangji. Chonghu-chonghi kenep along anta rat atum nang cherap-cheto dun lote chunji pusi Rongmongve Thana a OC Mwoblick Brahma choningri.
La-an chot kali kevangji arni rong arlo akisung kiduk along Rongmongve thana pen kaike ta nang cherap dunji puta Thana OC Brahma chechak tekang pusi Rongmongve Chandra Kramsa birta nangpale.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives