ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri alamki puthot bang 8 atum aphan kenepthu, pangrum pet bang 23 aphan nep tang lo

BAKALIA, Vosik 11: Kangthilangsi Panjuri Kachari arong along alamki aphuthak Assam police atum sodak asai dengsi laso alamki along kacherap do-an atum aphan kenep lapji aphan pura kiri-kakuruk asai pangtangsi pini puthot bang kethom aphan nepthulo. Non an laso alamki along kacherap dun pu akoi pen bang 23 atum chingnang tang lo. Atumi jirlo apor kachingnang bang kethom atum ke Rupsing Kro (31), Khongsing Bey (25) lapen Borsing Kro (18) pusi pangthek. Laso aphi pini arnikangsam apor puthot bang pho atum aphan nep thulo. Kachingnang longchek atum Bishnuream Bodo (49), Insen Ingti, Sikari Rongpi, Pilarson Ingti lapen Premson Ingti pusi pangthek. Laso alamki along kacherap do-an atum aphan prapjin pen kenepji aphansi bor-i bom lo pusi police pachini. Halapu SSP Dr. GV Shiva Prasad pherangke amai kangni ahut kaningje ke, laso alamki along kacherap dun inut aphan ta kapajok longle detji aphan halabangso atalom along bang pharo hini ra phokep sose a police atum aphan ajo anarlo patarlip bom lo lapen laso alamki aphuthak kangsaiji aphan fast track court along keponji asai klembom lo pusi ningje. Katarlip asai kedeng pamekaji aphan ta police pen isi Special Investigation Team seng lo. Police asaiphu Kamal Rajbongshi jainsi labangso abitung along Addl. SP Indranil Baruah, DSP (Head Quarter) N. Singson, Howraghat Circle Inspector Jatindra Chandra Das lapen Dokmoka police station OC JS Khubung atum aphan parlo pon lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives