ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri alamki along adai kedo atum aphan nep bom lo: ADGP Agarwal

Den Arong, Vosik 11: Panjuri arong along kepho aphuthak ADGP Mukesh Agarwal pini Dokmoka police station along pherangke amai kepha.
Pherangke amai along ADGP Mukesh Agarwal kejai ke, kedamtang Vosik 8 aningve Kangthilangso adung Panjuri arong along kepho pen bang hini adai kave arisomar atum apran kedam nang aphuthak tarlip bom lo. Laso alamki aphuthak non an kado kave bang 18 atum aphan nep ingnang long lo.
Laso angbong adai kave atum aphan netum pajok bom lo, la-an chot kali social media along kapaklang (post) thap pen hur kapachodut atum aphan nep ingnang lo, athe lahai atum ajoksi penang an atum ke hurcho lo. Pini anke lapuson kapaklang (post) thap atum ta nangjum bom lo lapen Karbi Anglong pen angtan kacharli dam atum aphanta mesen pen kapacharli longji aphanta un-an ingsamjin pen klem bom lo puta alangli pherangke amai along jai.
Kangthilangso kijui-kelang adim ke madu ta kijui damji aning kehang atum dam long lo. Lahai aphuthak ta nelitum klem bom lo pusi pini ADGP Mukesh Agarwal Dokmoka police station along pherangke amai kapangni ahut jai.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives