ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri alamki ajok khei angbong charvove det nangji: AASU-DRU

Diphu, Vosik 11: Kedamtang Vosik 8 aningve Kangthilangso alangsun adung Panjui Kachari arong along rat thurpak pen Nilotpal Das pen Abhijit Nath atum aphan apran karmut det aphuthak AASU sodak pinrem.
Rat thurpak keklem asai ke khei lapen dhorom alam vangve, lasi laso asai alongno along kacherap dun atum aphan nep ingnangsi aron ateng adai en nangji pusi AASU atum hang.
Laso alam pen ajok khei angbong charvove det nangji pusi AASU Diphu Regional atum pen Karbi Anglong mate Assam angkang arat aphan choningri.
Karbi akhei atum phere nangne, ne nangtum alongsi dolo pusi AASU bidisar Sammujjal Bhattacharyya ningje. La-an chot Karbi Anglong pen angtan loh kacharli Karbi a osomar atum ta phere nangne, jongsi kopine kasiksak doji nangnak pulote kaprek-kaprek a district along kedo AASU asaihem along chetong dam tame puta AASU bidisar Sammujjal Bhattacharya ningje puta AASU Diphu Regional Union ameiphu Shyamanta Gogoi pen chunbang Shorjun Hanse atum birta pachetak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives