ADVERTISEMENT

This area is available for advertisement. Please contact for details.

Arnivang
Get Adobe Flash player

Non malom state along kejap atemon aphuthak CM ardi dojot amai kepha

Guwahati, Vosik 11: Guwahati arisomar bang hini aphan Karbi Anglong Panjuri Kachari arong along apran karmut det alam pen ajok state angkang soluk-sodak atemon kedoji meme thek longsi Assam a Chief Minister Sarbananda Sonowal pen-pen chief secretary TY Das lapen Director General of Police Kuladhar Saikia atum pen-pen amethang saihem along arsikjit amai pangni lo.
Mai along state arlo kejap bom atemon aphuthak angton pen chingvai lo. State angkang rat angbong monsam kapadoverji aphan kelangchari pameji lapen kacheroktok keton-kelang asai kedengji aphan CM pen DGP Kuladhar Saikia aphan pachini.
Bang hini arisomar apran karmut along kacherap dun atum aphan nep ingnang-et nangji lapen laso aphuthak tarlip pame nangji pusi DGP aphan CM pachini. Laso aphuthak non amat katarlip ahokpet akrongsi dam bom lo. Laso alamki pen kacherap penang atum aphan nep ingnang long lo pusi CM aphan DGP pachini dun.
Lapuson ahokhe alam kapachethang pen rat aphan kapasung longle det aphan ta police atum lang dun pame nangji puta CM Sonowal ningje.
Mai along CM Media & Legal Advisor Hrishikesh Goswami, DGP Special Branch Santanu Bharali, Addll. DGP Pallab Bhattacharyya, Princiapl Secretary Home Hameet Singh, Principal Secretary to the chief minister LS Changsan lapen Sanjay Lohitya atum mai along chetong dun.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives