ADVERTISEMENT

This area is available for advertisement. Please contact for details.

Arnivang
Get Adobe Flash player

Lokhimon So-arlo Chingri Amei ameiphu pen chunbang aphan karcho

Diphu, Vosik 11: Todap porphai 8 apor malom Hini Dovan Longri Amei Japralangso Lokhimon Dovan along So-arlo Chingri Amei akimi ameiphi pen chunbang pen chenglok klem dam rappet so-arlo chingri amei Lokhimon arnam aphan kekroi rappet abangphi atum aphan karcho.
Rongbong Ronghang kachepahemphu amai along Dhansing Terang mai kepha alamthe jai. Mai along BPEO Khorsing Terang, Monika Hansepi, JE Horeswar Teron, Phudang Ingtipi, Birsing Lekthe, Rohit Ronghang, loh thanbang Rani Beypi, Monish Singnar lapen kurusar anparta Lokhimon arnam aphan kekroi atum pen chenglok ongdung man kedo atum chetong dun. Lokhimon Sangha, So-arlo Chingri Amei, Riso Ejang Chingrum Amei kethom aro do. Lasi pini abang ke ke So-arlo Chingri Amei akimi abangphi atum aphan archo lo.
Laso ahut meiphi Kabin Ronghangpi pen chunbang Reena Ronghangpi atum aphan archo anparta alanglitum keklem-kedam kemesenji aphan arnam aphan hirjume nangpi lo. Lokhimon arnam aphan kekroi lapen pini arni keme, apor keme arni pacheton dun Japralangso Lokhimon Sangha Dovan kikim-kerang kapatangji aphan riso, okorjang atum pen chenglok sarpi-sarphu anparta kaprek-kaprek atum cherap-cheto dunsi kim-rang bom lo.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives