ADVERTISEMENT

This area is available for advertisement. Please contact for details.

Arnivang
Get Adobe Flash player

‘Karbi Anglong Today’ lamsai ningkan isi kepleng katalon

Diphu, Vosik 11: Pini anerlo porphai 1:30 apor malom pen Diphu Lorulangso Rangsina Sarpo Cultural Hall along ‘Karbi Anglong Today’ a lamsai (Magazine) ningkan isi kepleng katalon.
Mai along Saitya Timung alohi kapachini apor en. Mai along AUDC PVC Prof. Sivashis Biswas alohi sarpo aman pen chetong dun. Mai along Sardoka Ronghang Memorial Academy a principal Mohesh Ronghang pen chenglok Hemari Inghi anparta kaprek-kaprek man kedo abangphu-phi atum chetong dun.
Mai along Saitya Timung kedeng alamthe lapen alohi pachini det aphi jaimek ateng Karbi Anglong Today editor in chief Longbir Terang, Karbi Anglong Today nang keplang aphurkimo rat athengno jai lo.
Laso aphi ningkan isi kepleng katalon a cake AUDC PVC Prof. Sivashis Biswas arideng pen pangthan lo.
Mai along Mohesh Ronghang aphan Excellence Award pajir, la-an chot kali Miss Photogenic Contest-2018 Award ta pajir lo.
Mai along kachetong dun alohi atum pen Karbi Anglong arlo non amat loh charli ahin kapusonsi kedo bom lapen aprang kosonsi kengkam kachejorji aphuthak than.
La-an chot kali, Hemari Inghi lapen kaparek-kaprek atum pen inglong aso angbong entrepreneurship kadure alamthe aphuthak mai along jai.
Arnikangsam apor Miss Photogenic Award lapen ning arong kachipi heihui ajaimek dengsi mai ingsamjin pen pachekak lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives