ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong pen angtan loh kacharli dam Karbi a osomar aphan KAAC pen rai dun nangji: KYO

Diphu, Vosik 11: Kedamtang Vosik 8 aningve Dokmoka Police Station angkang Panjuri Kachari arong along phangkodong kitin pen bang hini arisomar atum aphan tekhengsi apran karmut det aphuthak Karbi Youth Organisation ningduk chepaklang.
Bang hini Guwahati arisomar atum Kangthilangso along jui damdet pen amethang ahem kachevoi ahut ajo kangting apor rat atum phangkodong kitin pen katengkheng ajok apran dam lo.
Laso alam pen ajok Social Media along penang an lam thama chepachoi ajok khei angbong kacharvoji angring ta dokok lo. Lasi laso alam pen ajok madu abangphu-phi ta khei-khei alam kevanve detji aphan Karbi Youth Organisation atum choningri.
Social Media along konatne alam pen pachethangsi longri arlo kaphere hur pacho dut lo.
Lasi Social Media along kapachethangthap alam pen rat atum cheremek nangji lapen kopene honthe meme thek long pusita rat atum aron amethang arideng kacheparideng detdeji lapen tongsekot police aphan kapachiniji aphan ta KYO pachethang.
Bang hini apran kedam ajoine Karbi Anglong pen angtan loh kacharli dam Karbi a osomar atum aphan kether kehap alam ta klang. Lasi Karbi Anglong Autonomous Council pen Karbi Anglong pen angtan loh kacharli dam Karbi a osomar atum aphan raikom kipi dunji aphan kemesen asai klem nangji puta Karbi Youth Organisation (KYO) choningri puta KYO sankur chunbang Si-em Teron birta pachetak.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives