ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso Panjuri alamki aphuthak CBI tarlip nangji: AJYCP, NRLA

Bodo hamphang song 11 pen KADHSTA atum ta sodak kapinrem

BAKALIA, Vosik 11: Panjuri Kachari along alamki aphuthak state adangpi hur chudut angbong Karbi Anglong along ongdung hamphang asong atum sodak pinrem nangji pusi ningje rinti lo. Bhumkuru arnikangsam Dokmoka Forest IB along Assam Jatiyatabadi Yuva Chantra Parishad (AJYCP) pen Langpher Riso Nimso Aterank (LRNA) atum chelangpet pherangke amai pangnisi Panjuri along alamki aphuthak sodak pinrem. AJYCP Karbi Anglong district aro sankur chunbang Apurba Das kaningje ke, Karbi Anglong along kelang-kijui meme adim (Tourist place) keton-kelang avarsai kibibe det abang ke chokche pik lo. Halapu DC pen HAD Minister Sum Ronghang atum pherangke athengno kaningje alam aphuthak ta sodak pinremsi diya chohang nangji pusi alangli hang. LRNA a meiphu Sanju Tokbi kaningje ke sai langno keklem atum ke khei dhorom ave lo. Lasi laso alamki along kacherap do-an atum aphan kokthat pi nangji lapen monsam kapathirji aphansi kado kave atum aphan ta choningri. Border chairman barim Bijoy Teron kaningje ke, apor pen apor Karbi Anglong along lapuson alamki dobom lo. Lasi laso aphuthak CBI patarlip nangji lapen chiklo ejon apharman social media panghap nangji pusi ratpangri aphan choningri.
Halapu song 11 Bodo hamphang asong pen Karbi Anglong District High School Teachers Association atum ta Panjuri alamki aphuthak sodak pinremsi adai kedovek atum aphan nep ingnangsi sodak ingsai nang po pusi hang lapen laso alam pen khei angbong kacharvove detji aphanta alanglitum choningri.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives