ADVERTISEMENT

This area is available for advertisement. Please contact for details.

Arnivang
Get Adobe Flash player

CAB ingthan nangji pusi AGP atum Governor aphan kachetong dam

GUWAHATI, Vosik 11: Citizenship Amendment Bill ingthan nangji pu hangsi pini AGP abitung atum Assam Governor Jagdish Mukhi aphan kachetong dam. AGP a meiphu mate minister Atul Bora kejalin abitung atum Rajbhavan along Governor aphan chetong damsi pinpur aloh ta pajir lo. Ghonta isi ra minute krepho sose apor an lahai kado kave alam aphuthak chingvai. Laso ahut AGP pen chief minister barim Prafulla Kumar Mahanta, Brindabon Goswami, Keshop Mahanta, Phonibhuchan Choudhory, Romendra Narayan Kalita atum pen danglok AGP MLA atum ta chetong dun. Citizenship Amendment Bill deng pulote Assam phurkimo aphan akisung kachetong nangji alam aphuthak klardak pen AGP a meiphu Atul Bora pachinisi Assam Accord aphan ta karkan ason po pusi ningje. Assam Accord ateng pensi Assam along kisung nangbom aronre angtan asor pen akisung kepho aphuthak pajok nang po lapen Bangladeshi amen pen dhorom kethak aphuthak ta alangli khamkhe. Assam arat atum aphan aman pisi labangso Citizenship Amendment Bill prapjin pen kapache-enji aphan Governor pen tiri ratpangri aphan pu nang po pusi choningri. Assam along elam-eki, jutang-jubat nim-rokom heihui anparta kedo-kethak barim atum aratchari, hamphang lapen choki-chokam ajakong kapavirji aphan kedengji a bill aphuthak AGP penke chedo dun thekthe. Assam aphan kaphere kisung memeji ajat kacherai along ta chedon dun thekthe puta Minister Atul Bora ningje. Citizenship Amendment Bill aphuthak penang an apor chingvai det aphi AGP abitung atum kaningje alam aphuthak Governor Jagdish Mukhi ardi pisi laso alam aphuthak pangdak dunji pusi ning pathe.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives