ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri alamki pen khei angbong soluk-sodak atemon kevanve detji aphan KAAC kachoningri

IMG-20180610-WA0043DIPHU, Vosik 10: Vosik niphai 8 arni Kangthilangso Panjuri Kachari arong along alamki aphuthak pini KAAC sodak pinremsi laso alamki along kacherap do-an atum aphan ingsai nangji pusi kehang. CEM Tuliram Ronghang kapinkhat ateng pen pini KAAC conference hall along KAAC EM, MAC lapen saikam asaiphu atum angbong laso alamki aphuthak kachingvai amai pangnisi ason-ason alam cherai. Laso amai jut det aphi EM Pradip Rongpi pherangke angno kejaike kedamtang niphai 8 arni alamki aphuthak nelitum KAAC pen sodak pinrem lo lapen kopai kelangno pen ajok bang hini adai kave ariso atum apran kedam nang aphuthak ningduk chipisi minute isi chikimo lo. Laso alamki pen ajok non Assam adangpi arlo soluk-sodak asonsi nangman lo. Lasi laso aphuthak kosonsi kapangsamji aphansi pini kachingvai along ason-ason alam cherai lo lapen kopai kelangno pen apran kedamjui bang hini arisomar ahem asor atum along KAAC abitung kahumri damji aphansi chisik lo anparta lamki kephovek adim along ta cheroktok asai kedeng damji aphansi chisik lo pusi EM Pradip Rongpi ningje. CEM Tuliram Ronghang alangli a-ok apran keme oh-eh det ajok Delhi arongsopi alongsi seh chelangbom setame alangli nangkapinkhat ateng pensi nelitum kithi arpum post mortem asai keklem ahut pen danglok kedo-an asai along ta cherap-cheto dun lo puta ningje. Halapu KAAC chairman barim MAC Horensing Bey kaningje ke, Panjuri alamki aphuthak abang ke ningduk meme binong. Lasi adai kedovek atum aphan abang ke sodak ingsai nang po setame laso alam pen khei angbong kacharvo atemon van nangne pusi choningrisi puthot kai ateng monsam kevan thuji aphansi KAAC pen chonigri lo pusi ningje. 

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives