ADVERTISEMENT

This area is available for advertisement. Please contact for details.

Arnivang
Get Adobe Flash player

Nilotpal pen Abhijit apran karmut aphuthak SPKL kapinrem

Diphu, Vosik 10: Kedamtang Vosik 8 arnikangsam Dokmoka police station angkang Den Arong ahavar Kangthilangso kijui kelang adim adung Panjuri Kachari arong along kopai kelongno ajok ningduk akepho dokok lo.
Laso akepho along bang hini arisomar Nilotpal Das pen Abhijit Nath aphan phangkodong kaphere pen kedo arat atum thurpak chok thengsi apran armu det lo. Laso katekheng lapen bang hini aphan rat thurpak apran karmut ke khei alam vangve, athe rat kithurpak ahut ke akhei, adhorom lapen kangtui kangdei ave lo. Lapuson ahut rat atum komatne pen lamtoi en-eh lapen ahukum kekroi puke ave lo.
Pinpurme, non malom phangkodong pu alam kachethangthap pik ajoine rat aning arlo kaphere thapdong lo, laso ajoine rat atum bang hini monit kimi theklok pen phangkodong tinsi tekheng dut lo. Laso alam along ke khei alam vang un-eh lapen vangve nangne, ilitum kado kave ilitum ahamphang along korte-muti ason dosi monsam kevangji aphansi bor-i nangji pusi Society for Promotion of Karbi Language (SPKL) pen choningri.
Laso akepho aphuthak SPKL pen sodak pinrem lapen adai kedo atum aphan nep ingnangsi adai en nangji pusi ajakong kedo atum aphan choningri.
Angkur kave lapen kachinidakde alam social media along paklang thap nangne pusi SPKL pen rat aphan choningri. Laso madu atum komatne aphan aning kapapung meme alamthe heihui social media along tok thapthe det nangji athe laso ajoine pen hamphang along soluk-sodak dokok puta SPKL choningri. La-an chot kali lapuson ahok alam lapen komat aphan aning kapakang alam social media along ketok atum aphan law & order atum nep ingnang nangji pusi SPKL atum choningri pusi SPKL chunbang Johny Timung birta pachetak.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr    
 123
45678910
11121314151617
18192021222324
252627282930  
Archives