ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong arat aphan kopai kelangno

Assam Hills Medical College & Research Institute pining pen pangcheng longle lo

DIPHU, Vosik 10: Karbi Anglong arat aphan kopai kelangno ason man lo athe non Diphu along kikim kerangbom Assam Hill Medical College & Research Institute pining 2018-19 session pen kapangchengji aphan principal Dhruba Jyoti Borah pen Medical Council of India hang dun lo. Seta kenangji ateng kedorplup ahormu ave lang pu ajoine MCI pen dengde det lo.
Diphu along kikim bom Hills Medical College & Research Institute pen-pen det adang kado kave hum 68 a medical college aphan MCI pen khinde lo.
Pinpurme, kedamtang 2012 aningkan Health minister Dr. Hiamanta Biswa Sarma arideng pen long-eh som tekang lo. Laso ateng medical college kikim-kerang pangcheng lo, seta Architech mesen kelongle lapen isi hini katora kedo ajoine medical college kikim ko-an ma ketang nangji tangte det lo pusi laso ahem kikim arpu ke-en Brahmaputra Infrasture Ltd. atum ningje.
La-an chot kali, kikim paprang hospital lapen administrative building heihui phant 80 an tang lo seta adun kikim college a building lapen hostel amokha kikim kederhup ajoine non kado kave pangrum pet phant 56 anbaksi angton pen langdam pulote tangchot lang.
Laso ateng laso a session pen un-eh seta kevangji a 2019-20 a session pen kapangcheng dun longji aphan Assam Hills Medical College and Research Institute kapatang serakji aphan Karbi Anglong Autonomous Council a CEM Tuliram Ronghang pen penang an bor-i lo. Lason ahut kedamtang Vosik pho arni Assam health and family welfare minister of state Piyush Hazarika Diphu nang humrisi kikim-kerang kapatang serakji lapen ratpangri pen kopene nang kerap dun nangji ason dolang pulote nangthan noi pusi pachini tekang.
Piyush Hazarika pen ketong kelang apharman Karbi Anglong SP pen chingki-chethansi police outpost kibiji aphan pachini lo. La-an chot kali longle kedorde aphuthak KAAC pen kapador dunji aphan ta CEM lapen KAAC Agriculture EM Amarsing Tisso atum chechak tekang.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives