ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso alamki aphuthak KADCC sodak kapinrem

IMG_20180610_110315DIPHU, Vosik 10: Kedamtang Vosik niphai 8 arni Dokmoka police station angkang Kangthilangso ahavar Panjuri Kachari arong along bang hini abangphu Nilotpol Das pen Abhijit Nath atum aphan phangkedong kitin pen areng pasosi apran karmutdet asai langno aphuthak pini KADCC pinremsi pherangke amai pangni. Pherangke amai along MLA barim Bidyasing Ingleng halabangso arni alamki aphuthak sodak pinremsi adai kave bang hini abangphu atum aphan lapuson apran karmut det asai keklem ke ningduk meme binong. Lasi laso asai along kacherap do-an atum aphan nep ingnangsi sodak ingsai nang po pusi ningje. Alangli kaningje thuke laso alamki pen non Assam adangpi arlota hur chodutsi jasemet petke Karbi akhei aphansi akoi vangdet ason lo. Lasi laso along abang ke maduta ning chibi nangne athe kado kave a Karbi ke lason klemkle, ladak komane atum kachejok abang ta dokok ta thek. Lasi laso alam pen ilitum khei charvo -i nangne pusi MLA barim Ingleng asangho choningri. Panjuri alamki nelitum ta ningduk binong lo athe Kangthilangso pu ahavar pudam et pulote atok pik lapen klempar atum kachepachong adim pusi penang an atum ke hok. Lasi ladak amonit atum ta kaphere penang-pinung dam haihe, bonta alanglitum laso ahavar along kahumri dam pen kopai kelangno ajok ajo apor lapuson kepho lok abang ke ningduk lo. Keton-kelang atum jongsi pangkre kre asonte pini lapuson alamki ta phojok plotji apot lo. Lasi kevangjilang arni lapuson alamki puthot kephophe detji aphan keton-kelang atum pen danglok rat det dop-anta cherok tok do nangji pusi ningje. Komane keklem-kedam kechoke mate kopene kahonthe ason dokok pulote halabangso abangphu-bangphi aphan rat nep ingnangsi ejai-jaini areng paso pen police aphansi hodai nangji lapen law aron abang ke emethang cheparideng nangne puta MLA Ingleng choningri. Halapu EM barim Ashok Teron kaningje ke kedamtang 2014 aningkansi neli chepaduk krup pen Kangthilangso tourist place ingpulo lapen kijui kelang atumta penang an vang lo setame lapuson alamki ke phophe pinlang bonta Vosik niphai 8 arni ajo apor kopai kelangno pen bang hini abangphu apran kedam nang abang ke kopai kelangno lo lapen ningduk meme anlo. Athe halahai abangphu atum kaheno asai nangkeklem aphanle kevangta kali setame kopai kelangno pen apran kedam nangjui abangke ningduk lo. Isi kejong meme alam mate kamuthi dam meme alam abang ke Dengaon along kaita keton kelang police do voiphit setame halabangso arni laso alamki along kosontong kepho dunde det lone lapen karju long atengke hadak kedovek atum ta konat nat amonit atum tong kachingsom lone alanglitum chini dunde lasi laso along aklong pen tarlip lo pulote angbong kachejok atum dokok ta thek pusi matha meme pusi EM barim Teron asangho ningje.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives