ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso alamki along kacherap dun bang 11 aphan kenep thu

Arrested personBAKALIA, Vosik 10: Kedamtang Vosik niphai 8 arni Dokmoka police station kaparlo Kangthilangso atalom Panjuri Kachari arong along ke-ongdung otlangno atum Guwahati arisomar bang hini aphan apran karmut alam pen state adangpi hur chodut lo. Laso alamki along kacherap dun atum aphan Assam police atum katarlip asai kedeng paso lo. ADGP Mukesh Agarval alangli laso alamki kedo puthot arni dim an humri damsi birta enlo lapen Dokmoka along bohasi ajo-anarlo adai kedo atum aphan tarlip lo. DIG Bishnu Prasad Rabha pen Karbi Anglong SSP Dr. GV Sivaprasad Gunjala atum todap adap Dokmoka police station along pale dam lo. Pinpurme laso alamki along kacherap dun bang pho atum aphan Vosik niphai 9 arni nep det aphi todap adap apor an katarlip ahut Kangthilangso atalom pen puthot bang 11 aphan nep thu lo. Non amat ke laso alamki along kacherap dun bang 16 atum aphan nep long lo. Todap apor police kenep atum amen ke, Panjuri Kachari arong amekar Kekai Basumatary asopo Biju Basumatary (25), Sabaram Sargyari asopo Biswaram Sargyari (22), Udong Mech asopo Dando Mech (25), Bhoben Mech asopo Dhanu Mech (45), Subaram Sargyari asopo Ram Sargyari (21), Pradip Khaglari asopo Umesh Khaglary (26), Jungthung Tamoi Terang arong Denri Terang asopo Sanjoy Terang (19), Kathar Ingti arong Kamsing Rongpi asopo Bidyasing Rongpi (18), Changki Rongpi asopo Ananda Rongpi (19) lapen Rupsing Bey asopo Raju Bey (19). Halapu face book along kapachethangthap pu akoi pen Diphu arongsopi ward no. 6 Rongpari kedo Dilip Terang asopo Bhubendra Terang @ Adwinson Terang aphan ta nep lo.

Leave a Reply

Your email address will not be published. Required fields are marked *

BREAKING NEWS
June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives