ADVERTISEMENT

This area is available for advertisement. Please contact for details.

Arnivang
Get Adobe Flash player

Congress kekhamkhe amai along arta kijumhek arloso oso aphan karne, bang 3 kachingnang

Lakhimpur, Vosik 10: BJP kejalin ratpangri jangthu ador kapaso lapen kachechak alam chepaplengple ajoine Vosik 6 arni Congress jalinsi Lakhimpur along kekhamkhe asai kedeng along arta kijumhek atum aphan karne ajoine bang kethom atum aphan kenep. Ningkan pli arta chiklo jon trok arta oso kove arong arum kangni ahut arne pon detsi arni aluk ketan up chit tovar soding padunsi kekhamkhe amai padun lo. Kachingnanglok bang kethom atum oso asarpi, hadak a Congress klembang Jitumoni Das lapen hadak a pherangke Kumud Barua henlo.
Assam State Commission for Protection of Child Rights (ASCPCR) pen pangthek dunsi kepho aphuthak tongsekot pen Lakhimpur police atum aphan pachini lo. “Adai kedo atum aphan prapjin pen Police Administration atum aron ateng pen ingsai si u/s 75 of the Juvenile Justice (Care and Protection of Children) Act, 2015 aron pabonsi ingsai nangpo,” pusi ASCPCR a chairperson Dr. Sunita Changkakati ningje.
Lam pho det aphi Lakhimpur Police atum lam pabon lo. Seta non bang kethom atumta bail longlo. Arloso oso asarpi, kove arum kangni ahut kether apinso lapen pherangke aphan nep lo,” pusi Lakhimpur a Superintendent of Police Sudhakar Singh ningje.
Charli ahamphang atum kekhamkhe asai kedeng along charli osomar atum aphan kerong asai ta keme o kali athe charli tikuk detji puta ASCPCR pangdak.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives