ADVERTISEMENT

This area is available for advertisement. Please contact for details.

Arnivang
Get Adobe Flash player

BJP Rongkhang Mandal kangdang amai kangni

Kheroni, Vosik 10: 20 no-Baithalangso LAC angkang BJP Rongkhang Mandal kangdang amai kapado. Karbi Anglong Autonomous Council anghoi kethom kaparlo Bithung, Rongkhang lapen Hamren constituency tin pen BJP Morcha Committee, Mohila Morcha, BJYM jalin meiphu pen sankur chunbang atum chetong dunsi Vosik 9 arni Telehor pathu aklam Community Hall along kangdang amai along cheto dun. Rongkhang Mandal Committee meiphu Mongal Bey chepahemphu amai along alohi aman peng kachetong dun no.8 Hamren constituency MAC Mangal Sing Timung, no.5 Rongkhang constituency MAC Horen Sing Bey, BJP WKAD meiphu Arun Terang, chunbang Protap Terang, Bithung VDC Chairman Ramson Rongpi lapen Hamren VDC Chairman Sarsing Phangcho atum chetong dun.
Constiteuncy kethom pen 85 booth level committee do laso angbong komane meiphu pen chunbang methang sai cheklemkle pulote arpu che-oh nangkok po. Anparta booth level penle ingtangkring lote mandal, district level anta jakong dopo puta West Karbi Anglong District BJP meiphu jai.
MAC Timung kejai ke, Congress kachari ahut arni ‘Special Package’ ave lapen nonke ‘Special Package’ aman pen sika 260 crore atangka ningkan asek Assam BJP ratpangri pen nang palepo lapen bangso atangka pen rat akenangsot asai deng pon melo.
Hamren constituency alongta Deuri Tinali pen kacheleng PWD atovar pen Arsong, Ronghidi, Hamren an PWD kacheleng atovar asai deng lo. Booth level, morcha, mandal lapen district level kaiketa chethan chemun chingki nangji lasi ratpangri pen konatsi asai kedengji akenangsot mate konatsi akisung pen kejoike kelongji ma booth level pen district level an chingki nangji pusi MAC Horen Sing Bey jai.

Leave a Reply

Your email address will not be published. Required fields are marked *

June 2018
M T W T F S S
« Apr   Jul »
 123
45678910
11121314151617
18192021222324
252627282930  
Archives