ADVERTISEMENT

This area is available for advertisement. Please contact for details.

Arnivang
Get Adobe Flash player

Phuloni angkang temon kethe ahut kisung kepho arat aphan hormu kapajir

Diphu, Vosik 9: Phuloni constituency angkang Indian Red Cross Karbi Anglong branch atum pen pini porphai 10 apor Phuloni ahithi along temon kethe pen kisung kepho dun arat aphan hormu kerap kapajir.
Kedamtang Aru achiklo niphai 8 pen 9 arni men-men temon charting kejap ahut Karbi Anglong angkang kaprek-kaprek adim along hem, rit pen chenglok methang cho ke-eh kesom athengpi arong heihui nahok lo. Son thakthaksi Phuloni constituency angkang along ta penang an adim lapen ahem nahok dun lo. Bangso abirta longsi IRCS-KAB atum adim along lang chari damsi ahokpet akisung arat atum aphan pangthek dam lo lapen laso atengsi apor le der klui pusitame pini kado kave pangrum pet pen bang 41 sose arat atum aphan akejoi pen barting, kasu, harlung, steel a harlung heihui ron dam lo.
Keron kebak amai pangnisi Phuloni Bazar Committee chunbang Dillai Ingti alohi sarpo aman pen chetong dun lapen IRCS klembang Sitaram Dorjee, pachethang chunbang Sopen Terang,  klembang Basapi Timungpi lapen Monju Tissopi atum chetong dun.
IRCS-KAB atum Phuloni angkang temon kethe pen kisung kepho arat atum aphan kisung apor ahut kamatha thek lapen kerap kapajir thek aphuthak chorore un-e lapen kevangjilang arni setame ansose kerap pajir bom nangji lapen rat atum ta IRCS-KAB along cherap-cheto dun bom nang po pusi alohi aman pen kachetong dun bazar committee chunbang Dilai Ingti jai.
Bang 41 kisung kepho arat atum lapuson kisung kepho arat atum aphan akejoi pen hormu kipi aphuthak IRCS-KAB a team aphan kachoro pajir lapen Phuloni angkang IRCS-KAB atum pen piningkan henlo kechengsi hormu kapajir cheng lo puta IRCS-KAB abitung atum jai.

Leave a Reply

Your email address will not be published. Required fields are marked *

June 2018
M T W T F S S
« Apr    
 123
45678910
11121314151617
18192021222324
252627282930  
Archives